काठमाडौं–धनकुटा नगरपालिका १५ स्थित भीरमा अड्किएका करीव ४० बर्षीय कुमार सुवेदीलाई सशस्त्र प्रहरी टोलीले सकुशल उद्वार गरेको छ ।

अड्किएको अवस्थामा स्थानीयले देखेर सशस्त्र प्रहरी बल सुरक्षा वेस मुलघाटमा खबर गरेपछि सशस्त्र प्रहरी बल छिन्ताङ्ग गुल्म र बराह बाहिनी पकलीको समेत उद्वार टोली उनलाई बचाउन खटिएको थियो ।
 
एपीएफ टोलीले उद्वारपछि सुवेदीलाई उनको आफन्तको जिम्मा लगाएको छ । कुरुलेतेनुपा स्थाई ठेगाना भई हाल मोरङ टाँडी गाविस ८ बसन्तचोक बस्ने सुवेदी धनकुटा नगरपालिका १५ स्थित सिरसिरे भीरमा करीव एकसय मिटर तल र तमोर नदी भन्दा करीव ५० मिटर माथि अड्किएको अवस्थामा फेला परेका थिए ।