प्रचण्डले मिलौ मिलौं लाग्छ भनेर प्रस्ताव गरेपछि कमल थापाले यसरी दिए जवाफ !
६ फागुन, काठमाण्डौ ।
राष्ट्रिय प्रजातन्त्र पार्टीका अध्यक्ष कमल थापाले नेकपा माओवादी केन्द्रसँग अत्यन्तै निकटता महसुस हुने गरेको बताएका छन् ।
राष्ट्रिय प्रजातन्त्र पार्टीका अध्यक्ष कमल थापाले नेकपा माओवादी केन्द्रसँग अत्यन्तै निकटता महसुस हुने गरेको बताएका छन् ।
आफ्नाे पार्टीको एकता महाधिवेशनलाई सम्बोधन गर्दै अध्यक्ष थापाले प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डसँग सहकार्य गर्दा, विचार विमर्श गर्दा अत्यन्तै निकटताको अनुभव हुने गरेको बताए ।
प्रचण्डले राप्रपासँग ‘मिलौ–मिलौ लाग्छ, धेरै टाढा नजानुहोला’ भनेपछि त्यसको जवाफमा अध्यक्ष थापाले दुबै पार्टीलाई राष्ट्रियता र देशलाई बलियो बनाउनु पर्छ भन्ने मान्यताले नजिक बनाउने काम गरेको उल्लेख गरे ।
‘प्रचण्डमा विलक्षण प्रतिभा छ, धेरै चमत्कार गर्नु भएको छ, अव अर्को चमत्कारको आवस्यकता छ, थापाले भने, ‘तपाईको विद्रोह र मेरो परम्परागत मान्यतामा समन्जस्यता कायम गरौं, त्यो नै नेपालको अस्थित्वको ग्यारेन्टी हुनेछ । कुनै पनि शक्तिले नेपालको एकता र सार्वभौमसत्तालाई चुनौती दिन सक्दैन ।’
थापाले परिवर्तनकारीहरुलाई पनि चित्त बुझ्ने गरी साझा संस्थाको रुपमा राजसंस्था र राजसंस्था सहितको लोकतन्त्रलाई संस्थागत गर्नु पर्ने बताए । उनले आफूले अहिलेसम्म राजा सहितको प्रजातन्त्र भन्ने गरेकोमा अवदेखि राजा सहितको लोकतन्त्र भन्ने उल्लेख गरे ।
अध्यक्ष थापाले गणतन्वादीहरु राजसंस्थासँग नझस्क र राजावादीहरुलाई गणतन्त्रसँग नतर्स पनि अपिल गरे । उनले आफूहरु कुनै पनि धर्म विरोधी नभएको भन्दै धर्मनिरपेक्षताको नाममा हिन्दु, किरात र बुद्धिष्ट गरी ९४ प्रतिशत जनताको मतलाई अपमान गर्न नपाइने बताए ।
अव संघीयता फर्काउन सकिने अवस्था नभएको भन्दै अध्यक्ष थापाले त्यसको कार्यान्वयन गर्दा न्यूनतम राष्टिय क्षति होस, राष्टियता र एकता बलियो होस् भन्नेमा ध्यान दिनुपर्ने बताए ।
0 comments
Write Down Your Responses