८ फागुन, चितवन।

पूर्वराजा ज्ञानेन्द्र शाहले हिन्दुधर्म र हिन्दुराज्यका विषयमा वोल्दै हिड्नुभन्दा पनि मनमा राख्नुपर्ने विषय भएको वताएका छन् ।

तराईका विभिन्न जिल्लाको भ्रमणमा रहेका शाहले चितवनको नारायणी नदी किनारमा जारी विराट गोरक्ष महायज्ञमा अभिनन्दन र पूजाअर्चनापछि संचारकर्मीहरुसंग संक्षिप्त प्रतिक्रिया दिदै हिन्दुराज्य र धर्मका विषयमा सवैले मनमा राख्नुपर्ने विषय भएको वताएका हुन ।

राजनीतिक विषयमा भने उनले कुनै प्रतिक्रिया दिएनन् ।

उनले सो महायज्ञमा गौपूजा समेत गरे । पत्नी कोमलका साथ आएका पूर्वराजा शाहले सो स्थानमा हिन्दु र वौद्ध धर्मका अनुयानीहरुले संयुक्त रुपमा गरिरहेको यज्ञमा होम समेत गरे ।

दुईदिन अघि वारावाट चितवन आएका पूर्वराजा शाह आज पुन पूर्वी तराईतर्फ लागेका छन् । चितवनमा रहदा उनले केही राजावादी र शुभेच्छुकहरुसंग भेटघाट गरेको बताइएको छ ।